Ar do Theacht in Éirinn

Beidh gach sealbhóir víosa faoi réir rialú inimirce ag an bport iontrála.

Oifigeach Inimirce ag an bport iontrála a dhéanann cinneadh faoin fhad cuairte a cheadaítear.  Léireoidh seo feidhm an turais ar tugadh an víosa dó, agus déanfar nóta de ar do phas. Ní thaispeánann an tréimhse bhailíochta ach na dátaí don tréimhse ina gcaithfear an víosa a bheith curtha i láthair Oifigeach Inimirce ag port iontrála – NÍ hionann an tréimhse bhailíochta agus na dátaí don tréimhse a bhfuil cead agat fanacht in Éirinn.

Caithfidh gach náisiúnach nach as an AE iad, ar mhaith leo fanacht in Éirinn ar feadh níos mó ná 3 mhí, clárú le Biúró Náisiúnta an Gharda Síochána um Inimirce.

Dlífear aon iarratasóir víosa a chuir isteach eolas bréagach nó míthreorach lena n-iarratas a ionchúiseamh agus/nó a dhíbirt.

Níl se de chead agat de réir dhlí na hÉireann bheith páirteach in aon ghníomhaíocht nó fanacht sa Stáit ar aon chúis ach amháin na cúiseanna ar  tugadh an víosa duit go sonrach orthu.

Caithfidh aon duine ar mhaith leo a bheith páirteach in aon ghníomhaíocht in Éirinn, lasmuigh de choinníollacha an víosa, an Stát a fhágáil agus iarratas a dhéanamh ar víosa nua.  Ní féidir leis an t-iarratasóir filleadh ar Éirinn a fhad is atá siad ag fanacht le cinneadh maidir lena n-iarratas nua.

Dlífear sealbhóir víosa a fhanann sa Stát níos faide ná an tréimhse cheadaithe a ionchúiseamh agus/nó a dhíbirt.