An Ciste Frith-Sheicteachais

Feidhmíonn an Roinn Gnóthaí Eachtracha an Ciste Frith-Sheicteachais chun cabhrú le pobail i dTuaisceart Éireann dul i ngleic leis an seicteachas agus caoinfhulaingt a chur chun cinn.

D'eascair an tionscnamh seo as an tiomantas sa chlár don Rialtas "Ciste Frith-Sheicteach a bhunú chun cabhrú le tionscadail i gceantair chomhéadain a bhfuil sé mar aidhm ar leith acu dul i ngleic le bunchúiseanna an tseicteachais agus an teannas a scaoileadh".  

D'fhógair an tAire Gnóthaí Eachtracha, an tUasal Dermot Ahern T.D., seoladh an Chiste Frith-Sheicteachais le linn dó Léacht bhliantúil Naomh Bríde a thabhairt i mBéal Feirste Theas ar an 27 Feabhra 2008.

Beartaítear go mbeidh €1 milliún ar fáil chun cabhrú le tionscadail oiriúnacha le linn 2008. 

Is féidir na treoirlínte don Chiste Frith-Sheicteachais agus foirmeacha iarratais a íoslódáil anseo.